FC Shkëndija – FC Sileks 2:0

Super gola nga Ibraimi dhe Krasniqi për fitore të 6-të në 8 ndeshje kampionale të kuqezinjëve. 

• Shkëndija fiton me 2:0 ndaj Sileksit në Tetovë në duelin e xhiros së tetë 
• Pas pjesës së parë pa gola, fraksioni i dytë solli dy super gola të kuqezinjëve
• Besart Ibraimi prodhoi një super gol në minutën e 50-të për epërsi 1:0
• Në minutat shtesë Endrit Krasniqi golin për 2:0, duke fiksuar rezultatin final
• Shkëndija merr përkohësisht kreun, pasi Struga e Vardari kanë 1 ndeshje më pak

Shkëndija vazhdon me fitore në kampionat duke mundur Sileksin me rezultat 2:0 në stadiumin e qytetit në Tetovë.

Skuadra jonë e nisi ndeshjen me iniciativë dhe dominim territorial, megjithëse në pjesën e parë munguan rastet e pastra për gol. Pas pushimit, kuqezinjtë shpërthyen. Kapiteni Besart Ibraimi zhbllokoi rezultatin (51’) me një super goditje të majtë që nuk i la shanse portierit mysafir.

Më vonë, Shkëndija kontrolloi lojën duke mos lejuar shumë hapësira, ndërsa Gaye u tregua i sigurt në disa raste të Sileksit. Në minutat shtesë, pas një aksioni të shpejtë mes Trumçit dhe Krasniqit, ky i fundit u gjend i vetëm përballë portierit dhe vulosi fitoren me një goditje të fuqishme për 2:0. Me këtë sukses, Shkëndija vazhdon serinë pozitive dhe merr të paktën përkohësisht kreun e tabelës. 

Ndeshja e radhës

Rayo Vallecano-Shkëndija

Madrid | 02 tetor 2025 | 18:30

SHKËNDIJA-SILEKSI 2:0 (1:0)

Stadiumi i qytetit në Tetovë

Gjyqtar: Stojançe Trpçevski (Kavadar)

Golashënues: Ibraimi 50’ dhe Krasniqi 90’+2 (Shkëndija)

SHKËNDIJA: Gaye, Trumçi, Cake, Meliqi, Webster, R. Ramadani, Zejnullai (Krasniqi 66’), Tamba (Mazari 66’), Alhassan (Fetai 90’+3), Ibraimi (c) (Ademi 83’), Latifi (Kërstevski 83’).

Trajner: Jeton Beqiri

SILEKSI: L. Xhekov, Gj. Xhekov, Angjeleski (c) (Govedarica 74’), Aliq, Mirçevski (Beroviq 90’+1), Donov, Hrvanoviq, Eftimov, Nikoliq (Timovski 64’), Buturoviq, Ferreira (Dodev 46’).

Trajner: Aleksandar Vasovski