Shkëndija me kënaqësi komunikon angazhimin e mesfushorit ofenziv, Sebastijan Spahiu, me të cilin është firmosur kontratë 2 vjeçare.
Shkëndija ka kompletuar afrim të ri në skuadër, duke nënshkruar me futbollistin 25-vjeçar, Sebastijan Spahiu. Shkodrani pasi kaloi me sukses ekzaminimet mjekësore, firmosi kontratën që e mban me kuqezinjtë deri në verën e vitit 2027.
Bëhet fjalë për mesfushor ofenziv që luan edhe në krahët e sulmit, derisa përveç vizitonit për lojë e depërtimeve të shpejta, veçohet edhe me goditje precize me të dyja këmbët.
Spahiu te Shkëndija vjen pas largimit nga ekipit iranian, Mes Rafsanjan, derisa paraprakisht shkëlqeu me Egnatian e Rogozhinës, ku paraqitjet fantastike i hapën dyert edhe të kombëtares shqiptare me të cilët debutoi në duelin me Gjeorgjinë (2024).
Në karrierën e tij, sulmuesi është aktivizuar më parë edhe me klube të tjera si:
• Mes Rafsanjan (Iran),
• KF Egnatia dhe KF Laçi (Shqipëri),
• CD Guijuelo dhe CD Izarra (Spanjë),
• Mouscron në Belgjikë, ku bëri hapat e parë në futbollin profesionist.
Me përvojën e fituar dhe rritjen e tij të vazhdueshme, Spahiu shihet si një forcë e re për ofenzivën e Shkëndijës në periudhën që pason.
Bujamir Bedjeti
Super lojtar