
Mbrojtësi Imran Fetai flet para ndeshjes së xhiros së 30-të të LPFMV, ku Shkëndija udhëton në Kratovë ndaj Sileksit, duke kërkuar një reagim të menjëhershëm pas disfatës së fundit.
• Fetai: Humbja ndaj Bashkimit ishte e dhimbshme, por jemi gati të reagojmë
• Fetai: Sileksi është kundërshtar i fortë në fushën e vet, na pret një sfidë e vështirë
• Fetai: Jemi të motivuar dhe të fokusuar për të dhënë maksimumin deri në fund
Përballja e xhiros së 30-të e Ligës së Parë të futbollit të Maqedonisë së Veriut ndërmjet Sileksit dhe Shkëndijës luhet të premten në stadiumin në Kratovë me fillim në orën 16:00.
…reagimi pas ndeshjes me Bashkimin…
Imran Feta: “Të them të drejtën, ndeshja e fundit na dëshpëroi të gjithëve. Nuk e meritonim atë rezultat, por në futboll nuk ka kohë për t’u ndalur. Duhet të jemi vetëkritikë, të marrim përgjegjësi dhe të tregojmë karakter duke reaguar menjëherë në fushë.”
…sfida me Sileksin…
Imran Feta: “Sileksi është një ekip shumë i papërshtatshëm, sidomos në Kratovë, dhe na pret një ndeshje e vështirë. Por ne jemi të përgatitur dhe i kemi analizuar mirë gabimet e kaluara. Duhet të hyjmë në këtë ndeshje me përqendrim 100% dhe të tregojmë se cilat janë synimet tona.”
…synimet për kampionatin…
Imran Feta: “Ne jemi të fokusuar vetëm te puna jonë. Të gjithë lojtarët janë të bashkuar dhe duan të japin maksimumin për këtë klub. Qëllimi ynë është i qartë deri në xhiron e fundit dhe do të luftojmë në çdo ndeshje.”

