Mbrojtësi 19 vjeçarë Numan Ajeti me shumë entuziazëm ka folur për Shkëndija Channel, pasi zyrtarizoi kontratën me kuqezinjtë. Ajeti beson se ardhja te Shkëndija paraqet një hap përpara në karrierën e tij, derisa shprehet i gatshëm të luftojë për vend në formacion.
…firma me Shkëndijën…
Numan Ajeti: “Jam shumë i lumtur që bëhem pjesë e Shkëndijës. Të gjithë e dinë se bëhet fjalë për klub të madh. Falemenderoj kryesinë për besimin dhe besoj se me paraqitje të mira do të përgjigjem në fushë.”
…ambiciet dhe konkurenca…
Numan Ajeti: “Unë premtoj se do të jap maksimumin për Shkëndijën dhe konkurenca nuk më frikëson. Konkurenca i bën mirë çdo lojtari për të dhënë maksimumin që të nxjerrë më të mirën nga vetja. Unë jam i gatshëm të luftoj për pozitën time duke dhënë maksimumin.”
