Sulmuesi anësor 27-vjeçar sot firmosi kontratën dyvjeçare me Shkëndijen, ndërsa për kanalet e klubit ka ndarë impresionet e para për ambientin e ri. Kryeziu te Shkëndija vjen nga Ballkani i Suharekës, derisa beson në suksese me fanellën kuqezi.
…impresionet e para dhe vendimi…
Almir Kryeziu: “Për fillim jam shumë i kënaqur, siç e dimë Shkëndija është ekipi më i madh në shqiptari. Edhe për mua ka qenë shumë e lehtë të vendos për ta pranuar këtë ofertë që ma ka ofruar Shkëndija. Shpresoj të jap më të mirën, t’i ndihmoj ekipit drejt realizimit të objektivave që ka.”
…bujat e merkatos dhe emri i tij…
Almir Kryeziu: “Po është një emocion i veçantë. Shkëndija ka një histori goxha të madhe si ekip. Ishte bukur kur përmendej emri im dhe kjo ka bërë të jem sa më i motivuar ta jap maksimumin në çdo ndeshje, në çdo stërvitje edhe t’i gëzoj të gjithë tifozët.”
…ndjekja e Shkëndijës në Evropë…
Almir Kryeziu: “Me thënë të drejtën ligën nuk e kam përcjellë, por ndeshjet e Shkëndijës i kam përcjellë, sepse edhe kam pasur kontakte me klubin. Siç e dimë Shkëndija gjithmonë në Evropë na ka bërë krenarë jo veç Tetovën, por gjithë shqiptarët anë e mbanë. Edhe shpresoj që me ardhjen time të kemi synime edhe më të mëdha.”
…ambiciet dhe synimi për titull…
Almir Kryeziu: “Unë gjithmonë kam pasur ambicie të mëdha edhe nëpër ekipet që kam luajtur. Edhe Shkëndija normal, pa më pyet askush i di ambiciet që ka klubi, normal titulli kampion, por edhe në Evropë arritja në grupe do të ishte e mirë.”
…refuzimi i ofertave të tjera…
Almir Kryeziu: “Për mua nuk ka qenë shumë e vështirë. Shkëndija është ekip i madh, për mua ka qenë një vendim shumë i lehtë edhe shpresoj të na shkon mbarë.”
…mesazhet nga tifozët dhe Ballistët…
Almir Kryeziu: “Me tregu drejt, e kam shikuar Shkendijën si ekip po edhe i kam parë tifozët që janë të flaktë. Edhe në momentin që u fol emri im se po vij në Shkendijë, kanë qenë mesazhet e panumërta, mirë se vjen, mesazhe shumë mirëpritëse.”
…përshtypjet e ditës së parë dhe zyrat…
Almir Kryeziu: “Është diçka e re, jam i lumtur që kam marrë këtë vendim edhe mezi pres t’i takoj shokët e skuadrës, ta takoj trajnerin dhe të filloj stërvitjet sa më shpejtë.”
