FC Shkupi – FC Shkëndija 1:2

Kuqezinjtë fitojnë 2:1 transfertën me Shkupin e luajtur në Strugë shkaku i pezullimit të terrenit në Çair. “Vendasit” avansuan me Ribeiron, derisa Fetai e Latifi sollën përmbysjen. 

• Kuqezinjtë fitojnë 2:1 ekipin e Shkupit në duelin xhiros së 12-të në LPFMV 
• Golat për Shkëndijën i shënuan Fetai dhe Latifit pas asisteve të Krasniqit e Tambës 
• Pas pjesës së parë pa gola, Shkupi avansoi me realizimin e Ribeiros në të 57-ën
• Ndeshja u luajt në terren shumë të papërshtatshëm për lojë në Strugë

Shkëndija sipas planit merr tre pikë nga dueli i mbetur i xhiros së 12-të të Ligës së Parë të futbollit të Maqedonisë së Veriut. Kuqezinjtë me përmbysje dhe me më shumë mund se sa u prit fituan Shkupin, në duelin e luajtur në Strugë shkaku i pezullimit të stadiumit në Çair. Në një terren shumë të papërshtatshëm për lojë, skuadrat dhuruan një pjesë të parë të varfër që u mbyll pa gola. 

Në pjesën e dytë Shkëndija u duk më e vendosur në sulm, por goli erdhi në rrjetën e Amzait kur Ribeiro shfrytëzoi një kundërsulm dhe realizoi (57’) për epërsi 1:0 të Shkupit. Kjo shtyu kuqezinjtë me forca shtesë të kërkojnë përmbysjen, që fatmirësisht erdhi me golat e Fetait dhe Latifit. Fillimisht në minutën e 72-të harkimi nga këndi i Krasniqit shfrytëzohet nga Imran Fetai që me kokë barazon në 1:1, derisa në minutën e 80-të Tamba depërton në të djathtë dhe gjen me asist në shtyllë të dytë Liridon Latifin që realizon për 2:1 dhe fitore të kuqezinjëve. 

Ndeshja e radhës

Shkëndija-Tikveshi

Tetovë | 19 nëntor 2025 | 13:00

SHKUPI-SHKËNDIJA 1:2 (0:0)

Stadiumi “Plazhi i Qytetit” në Strugë

Gjyqtar: Nderim Tefiku (Kumanovë)

Golashënues: Ribeiro 57’ (Shkupi), ndërsa Fetai 72’ dhe Latifi 80’ (Shkëndija) 

SHKUPI: Grote, Spahiu, Milaj (Akiku 89’), Ribeiro, Sadiku (Ziberi 89’), Muharem (c), Adili, M. Riçkov, A. Riçkov (Enuz 89’), Destani (Ristov 78’), Shuku (Hajvali 73’).

Trajner: Minas Osmani

SHKËNDIJA: Amzai, Murati, Belica, Fetai, Ajeti (Webster 73’), Qaka, Zejnullai (Krasniqi 60’), F. Ramadani (Latifi 46’), Mazari (Tamba 46’), Ibraimi (c), Ademi (Jakupi 73’). 

Trajner: Jeton Beqiri